"Манчестер Юнайтед"нинг собиқ ҳимоячиси, ҳозирда футбол эксперти сифатида ишлаётган Рио Фердинанд "Манчестер Сити" ярим ҳимоячиси Родри билан суҳбатлашди.
“Ҳозир ҳаммамиз Де Брюйне ва Фодендан ҳайратдамиз, аммо Родрини алоҳида ажратиб кўрсатишимиз керак.
Ушбу ўйиннинг ритми унинг томонидан бошқарилди. У феноменал. У бу жамоанинг ҳақиқий дирижёри.
“Манчестер Сити” у билан ўз сафида мағлуб бўлганига бир йил бўлди.
Бу Родрининг "Сити" учун қанчалик муҳимлигини кўрсатади. Менимча, у Англия Премьер-лигасидаги барча жамоалар футболчилари орасида энг муҳим ўйинчи", - дея Фердинанднинг сўзларини келтиради Daily Mail.
