Журналист Пол Жойснинг хабар беришича, “Ливерпуль” ҳимоячиси Трент Александр-Арнолд ва жамоа ярим ҳимоячиси Доминик Собослаи “Челси”га қарши ўйинни ўтказиб юборади.

Жойснинг сўзларига кўра, ҳар иккала футболчи ҳам ўйинга қадар жароҳатлардан фориғ бўлишга улгурмайди.

Англия лига кубоги финалидаги “Ливерпуль” – “Челси” учрашуви 25 февраль куни бўлиб ўтади ва 20:00да бошланади.

Аввалроқ, «Ливерпуль» ҳужумчиси Муҳаммад Салоҳ «Челси» билан ўйинда иштирок этиши мумкинлиги ҳақида маълумотлар пайдо бўлганди.

У Африка Миллатлар Кубогида жароҳат олган эди.