"Бавария" ҳужумчиси Харри Кейн Чемпионлар лигаси 1/8 финалининг биринчи ўйинида "Лацио"дан учралган мағлубият (0:1) ҳақида фикр билдирди.
“Бу қийин ҳафта. Биз бу ўйинни яхши бошладик ва бир қанча вазиятлар яратдик. Менда битта, Мусиалада ва Киммихда биттадан вазият бўлди. Бундай учрашувларда имкониятлардан унумли фойдаланиш керак. Биз муваффақиятга эришолмадик. Иккинчи бўлим жуда ёмон ўтди. Биз етарлича куч ва ишонч билан ўйнамадик.
Биз тўпни жуда осон йўқотдик. Ва ўн киши билан қолганингизда, ҳар доим қийин бўлади. Аммо умумий ғалаба учун бизда ҳали ҳам имконият бор. Олдинда стадионимизда бўлиб ўтадиган жавоб ўйини бор. Биз ушбу ўйинни ва бу қарама-қаршилик оқимини ўзгартириш имкониятини интиқлик билан кутмоқдамиз", - дея Кейн сўзларини келтиради УЕФА матбуот хизмати.
