"Арсенал" вингери Маркиньос Аленкар тез орада "Флуминенсе" футболчисига айланади.
Бу ҳақда журналист Фабрицио Романо Х ижтимоий тармоғида (собиқ Twitter) хабар берди.
Манба берган хабарга кўра, Бразилия клуби "канонирлар" раҳбарияти билан 20 ёшли футболчини ижарага олиш борасида келишиб олган.
Футболчи тиббий кўрикдан муваффақиятли ўтди. Келишув зарур ҳужжатлар имзолангандан сўнг тез орада эълон қилинади.
Маркиньос 2022 йилда “Сан-Паулу”дан 3,5 миллион евро эвазига “Арсенал”га ўтган эди. Мавсумнинг биринчи ярмида вингер “Нант” сафида ижара асосида ўйнади ва у барча турнирларда еттита тўлиқсиз ўйин ўтказди.
Футболчининг Лондон клуби билан шартномаси 2027 йилнинг июнь ойи охиригача амал қилади. Transfermarkt интернет порталига кўра футболчининг тахминий нархи 7 миллион еврони ташкил қилади.
