Европа чемпионлар лигаси 1/8 финал доирасидаги «Арсенал» ҳамда «Бавария» жамоалари ўртасидаги учрашув ўз ниҳоясига етди. Учрашувда «Бавария» 3:1 ҳисобида ғалаба қозонди.

Учрашувни германиялик футболчилар жуда фаол бошлашди, Подольскидан ташқари. Дастлабки 21 дақиқанинг ўзида «Бавария» ҳисобни 2:0 кўринишига келтириб қўйди. Даставвал Тони Кросс жарима майдончасига етказиб берилган тўпни кучли зарбаси билан дарвозага жойлаб қўйди. 21 дақиқага келиб эса жарима майдончасидаги палапартишликдан унумли фойдаланган Томас Мюллер ҳисобни иккитага оширди.

Шундан кейин ўйин бироз совуди. Шундай вазият давом этаётган бир вақтда, тўғрироғи иккинчи тайм бошида Лукас Подольски дарвозабон Нойернинг совғасини жон деб қабул қилди ва ҳисобни қисқартирди. Кейинчалик «Арсенал» голдан руҳланиб ҳужумга отланди. Лекин 77 дақиқага келиб Марио Манджукич барчасини ўз ўрнига тушириб қўйди 1:3.

Арсенал – Бавария  1:3
Голлар: Подольски (55) - Кроос (7), Мюллер (21), Манджукич (77).
Арсенал: Шченсны, Санья, Мертесакер, Косьельни, Вермален, Уилшер, Артета, Рэмзи (Росицки, 71), Касорла, Подольски (Жиру, 72), Уолкотт.
Бавария: Нойер, Лам, ван Бейтен, Данте, Алаба, Хави Мартинес, Швайнштайгер, Мюллер, Кроос (Л. Густаво, 73), Рибери (Роббен, 63), Манджукич (Гомес, 79).
Огоҳлантиришлар: Вермален (15), Санья (23), Артета (24), Швайнштайгер (36), Мюллер (58), Подольски (66), Рэмзи (67), Лам (90).