"ПСЖ" раҳбарияти "Барселона" футболчиларидан бирини ўз сафига қўшиб олмоқчи. Инсайдер Бен Жейкобснинг сўзларига кўра, "Блауграна" ярим ҳимоячиси Гави Париж грандининг трансферлар рўйхатида.
Қайд этиш жоиз, 19 ёшли футболчи айни дамда тиззасидан олган жароҳатидан фориғ бўлмоқда. Жорий мавсумда Гави “Барселона” сафида 15 та ўйинда майдонга тушиб, 2 та гол ва 1 та голли узатмага муаллифлик қилган.
Ярим ҳимоячининг каталонияликлар билан меҳнат шартномаси 2026 йилнинг ўрталарига қадар тузилган. Унинг трансфер нархи 90 миллион евро.
