Лиссабоннинг "Бенфика" клуби мавсум бошланишидан олдин жамоага қайтган ярим ҳимоячиси Анхель ди Мария билан шартномани узайтирмоқчи.
Эслатиб ўтамиз, ёзда аргентиналик футболчи Туриннинг “Ювентус” клубидан эркин агент сифатида клубга ўтган эди. Журналист Николо Ширанинг сўзларига кўра, “Бенфика” раҳбарияти Анхелнинг жорий мавсумдаги ўйинларидан мамнун.
Улар аргентиналик футболчини яна бир мавсум сақлаб қолишмоқчи. Клуб аллақачон футболчи учун расмий таклиф тайёрламоқда. Жорий Португалия чемпионатида 36 ёшли Ди Мария 7 гол ва 6 голли узатмани амалга оширган.
