"ПСЖ" ҳужумчиси Килиан Мбаппе "Реал"га ўтаётганга ўхшамоқда.
Бироқ келишувни якунлаш учун 25 ёшли франциялик футболчи “қироллик” клубининг баъзи шартларини бажариши керак, деб ёзади Marca нашри.
"Реал Мадрид" ҳужумчининг жамоага ўтишини оммага эълон қилишини истамоқда. Бундан ташқари, Мбаппе мадридликлар шартларига кўра шартномани қабул қилиши керак.
“Лос Бланкос” унга йилига 30 миллион евро тўлашга тайёр. Шунингдек, Килиан трансфер олдидан жамоанинг бошқа юлдузларидан юқори мақомга эга бўлмаслигини тушуниши керак.
