"Ливерпуль" бош мураббийи Юрген Клопп "қизиллар"нинг жароҳат олган футболчилари Доминик Собослаи ва Трент Александр-Арнольд Англия лига кубоги финалида "Челси"га қарши ўйнай олмаслигини айтди.
"Одамлар финал ҳақида ўйлашмоқда ва бу мутлақо нормал ҳолат, аммо бизда ҳали иккита ўйин бор - "Брентфорд" ва "Лутон"га қарши. Ҳозирча Лига кубоги финалида нима бўлишини ўйлаб ҳам кўрмадим. Ҳа, бу битта ўйин, лекин олдинда яна иккита ўйин бор ва Трент ва Собослаи уларда иштирок эта олмаслигидан афсусдаман. Мен айтаманки, Доминикнинг "Челси"га қарши ўйнаш имконияти йўқ, Трент эса ундан кейинроқ майдонга қайтади. Бир-икки ҳафта ичида, балки", - дея Клоппнинг сўзларини келтиради "Ливерпуль" расмий сайти.
2023/2024 йилги мавсум учун Англия Лига кубоги финали 25 февраль куни Лондондаги “Уэмбли” стадионида бўлиб ўтади.
