"Милан" Майк Меньян билан янги шартнома имзоламоқчи ва маошини оширмоқчи.
Calciomercato нашри хабарига кўра, клуб раҳбарияти дарвозабонни жамоанинг асосий юлдузларидан бири деб билади (Тео Эрнандес ва Рафаэль Леау билан бирга) ва унга йилига 5 миллион евро маош ва бонуслар таклиф қилган. Агар франциялик посбон рози бўлса, у "россонерилар" таркибида энг кўп маош олувчи икки нафар футболчининг бирига айланган бўлади (Леау ҳам худди шундай миқдорни олади).
Меньян мавсумга 8 миллион евро кутмоқда. Томонлар шартларни муҳокама қилишда давом этади.
Айни пайтда дарвозабонга "Челси" ва "Бавария" клублари қизиқиш билдирмоқда. Таъкидланишича, миланликлар 28 ёшли футболчини 100 миллион евро атрофида баҳоламоқда.
