"Реал Мадрид" ярим ҳимоячиси Браим Диас сўнгги ўйинлардаги ажойиб ўйинлари учун мукофотга сазовор бўлади. 24 ёшли футболчи мавсум бошида кам ўйин амалиётига эга бўлган бўлса-да, кейинчалик ўзини янада ёрқинроқ кўрсата бошлади.
Яқинда Чемпионлар лигасининг 1/8 финали доирасидаги "РБ Лейпциг"га қарши ўйинда ярим ҳимоячининг ажойиб яккахон голи "қаймоқранглилар"га минимал ғалаба келтирди.
Диаснинг муваффақияти Испания терма жамоасини ҳам четлаб ўтмади. Diario AS хабарига кўра, футболчини баҳорги йиғинга жамоа бошқарувчиси Луис де ла Фуэнте чақиради. Браим учун бу 2021 йилдан бери миллий терма жамоага биринчи таклиф бўлади.
