"Ливерпул"нинг собиқ футболчиси Стивен Жеррард "мерсисайдликлар" ҳужумчиси Муҳаммад Салоҳнинг келажаги ҳақида гапирди.
"Менимча, қарор узоқ вақт олдин қабул қилинган. Салоҳ бошқа жойга боради ва у ерда ўйнайди. Балки Муҳаммад Саудия Арабистони чемпионатида иштирок этар. Умид қиламанки, "Ливерпуль" бу трансфердан яхши пул олади. Салоҳ Саудия Арабистонида қирол бўлиши мумкин", - деди Жеррард.
Салоҳ "Ливерпул"да 2017 йилнинг ёзидан буён ўйнамоқда. Томонлар ўртасидаги амалдаги шартнома 2025 йилнинг июнь ойи охирида якунига етади. Transfermarkt портали ҳужумчининг нархини 65 миллион еврога баҳоламоқда.
