"Ливерпуль" дарвозабони Алиссон Беккер жароҳати сабаб сафдан чиқди.
Аввалроқ маълум бўлганидек, бразилиялик футболчи АПЛ доирасида бўлиб ўтадиган "Брентфорд"га қарши ўйин учун қайдномага киритилмаганди.
Инсайдер Фабрицио Романонинг сўзларига кўра, 31 ёшли “қизиллар” дарвозабони сонини жароҳатлаган.
Шанба куни мерсисайдлик юлдузнинг шикастланиш даражаси ва тикланиш вақтини аниқлаш учун экспертиза ўтказилади.
Алиссон Беккер жорий мавсумда 24та ўйинда майдонга тушиб, 21та гол ўтказиб юборди ва 9та баҳсда ўз дарвозаси дахлсизлигини сақлаб қолди.
