Италия чемпионатининг 25-тури доирасида «Ювентус» сафарда «Верона» билан тўқнаш келиб, бор-йўғи бир очко билан чекланди.
Туринликлар ўйин давомида ҳисобни тенглаштирувчи вазифани бажаришди. Майдон эгалари 11-дақиқада ҳиосбни очишган бўлса, 28-дақиқада Влахович пенальтидан унумли фойдаланди.
Иккинчи бўлим бошида Нослин "Верона"ни яна олдинга олиб чиқди, орадан 3 дақиқа ўтиб Адриен Рабьо мувозанатни тиклади.
Баҳс охирига қадар жамоалар ҳужумкор ўйин намойиш этишди, аммо дарвозаларга бошқа тўп киритилмади.
"Ювентус" ушбу дуранг туфайли ўз очколарини 54 тага етказди. 52 очко тўплаб турган "Милан" бугун "Монца"ни мағлуб этса, 2-ўринга кўтарилиб олади. "Верона" эса 20 очко билан 18-поғонани эгаллаб турибди.
Италия чемпионати, 25-тур
Верона – Ювентус 2:2 (1:1, 1:1)
Голлар: 1:0 – 11 Фолоруншо, 1:1 – 28, пенальти Влахович, 2:1 – 52 Нослин, 2:2 – 55 Рабьо.
Верона – Монтипо, Давидович, Маньяни, Кабаль, Лазович (Рубен Винагре, 74), Дуда, Фолоруншо (Белаэн, 74), Суслов, Силва (Анри, 86), Тшатшуа (Коппола, 85), Нослин (Свидерски, 65).
Ювентус – Шченсни, Камбьязо (Веа, 82), Данило, Ругани, Гатти (Алекс Сандро, 56), Костич (Кьеза, 57), Рабьо, Локателли, Маккенни, Йылдыз (Алькарас, 66), Влахович (Милик, 81).
.