Шанба куни “Ливерпуль” меҳмонда “Брентфорд”ни йирик 4:1 ҳисобида мағлуб этди.
Ҳужумчи Муҳаммад Салоҳ захирадан майдонга тушганидан сўнг бир гол ва голли узатмани амалга оширди.
Opta хабарига кўра, Салоҳ Премьер-лиганинг 30 та турли ўйинида гол урган ва голли узатма берган.
АПЛнинг бир ўйинида гол ва голли узатмага эга бўлиш борасида, Салоҳдан яхшироқ натижага бор-йўғи уч нафар футболчи эришган – Алан Ширер (31 ўйин), Тьерри Анри (32) ва Уэйн Руни (36).
“Ливерпуль” 21-февраль, чоршанба куни Англия чемпионатининг навбатдаги ўйинини ўтказади.
Юрген Клопп шогирдлари ўз майдонида "Лутон Таун"га қарши баҳс олиб боради. Мерсисайдликлар айни дамда Премьер-лига турнир жадвалида биринчи ўринни эгаллаб турибди.
