"Реал Мадрид" марказий ҳимоячиси Эдер Милитао яқин ҳафталарда сафга қайтиши кутилмоқда. Relevo хабарига кўра, бразилиялик футболчи сафга қайтишга жуда яқин турибди.
Милитао бу мавсумда ҳали майдонга тушмади, чунки у ёзда тиззасининг хоч бўғимларидан жиддий жароҳат олганди. Манбанинг хабар беришича, футболчининг тикланиш жараёни яхши ўтган. Бразилиялик операциядан кейин ҳеч қандай асоратга дуч келмади.
Милитао бир неча ҳафтадан бери майдонда якка тартибда ишламоқда. Тез орада футболчига умумий гуруҳдаги машғулотларни давом эттиришга рухсат берилиши керак.
