Ярим ҳимоячи Лука Модрич "Реал"даги ҳозирги ҳолатидан мамнун эмас.
Relevo нашрининг ёзишича, ярим ҳимоячи жорий мавсумда кам ўйин амалиётига эга бўлаётганидан норози. Тажрибали хорватиялик футболчи ёш Беллингем, Тчуамени ва Камавинга билан рақобатни бой бериб, захира ўриндиғида қолмоқда.
Шу сабабли 38 ёшли хорватиялик футболчи "Қироллик клуби" билан шартномасини кейинги мавсум учун узайтирмоқчи эмас. Томонлар ўртасидаги амалдаги шартнома жорий мавсум охирида якунига етади. Испания Ла Лигасининг жорий мавсумда Модрич 19 та ўйин ўтказиб, 1 та гол ва 4 та голли узатмага муаллифлик қилган.
