Шанба куни "Арсенал" Англия Премьер-лигаси доирасида "Бёрнли"га қарши сафарда ўйнади. Микель Артета шогирдлари 5:0 ҳисобида ғалабани тантана қилишди.
Шу тариқа, "канонирлар" чемпионатнинг сафардаги сўнгги икки ўйинида умумий 11:0 ҳисобида зафар қучган – аввалроқ дербида "Вест Хэм"ни 6:0 ҳисобида мағлуб этганди.
Жаноб Чип номи билан танилган журналист Алексис Мартин-Тамайонинг ижтимоий тармоқларда хабар беришича, Премьер-лига даврида жамоалар кетма-кет икки сафар ўйинида 11 ва ундан кўп гол уришгани атиги тўрт марта содир бўлган. Бунга "Ноттингем Форест" (1994/1995 йилги мавсум), "Тоттенхэм" (2016/2017), "Лестер" (2019/2020) ва яна "Тоттенхэм" (2020/2021) эришган. Премьер-лига 1992 йилда ташкил этилган.
