Ҳозиргина Европа чемпионлар лигаси 1/8 финалининг марказий учрашувларидан бири ўз ниҳоясига етди. «Милан» ўз майдонида «Барселона»ни қабул қилган ҳолда 2:0 ҳисобида ғалаба қозонди.

Учрашувда «Милан» тўлиқ устунлик қилди деб бўлмайди, лекин улар жуда тартибли ўйнашди ва Мессини ёпиб ташлашди. Аргентиналик футболчи умуман кўринмади. Дастлабки гол иккинчи тайм бошларида киритилди. Бу вазиятда «ҳар сафар «Барселона»га ёрдам берадиган» ҳакамлар «Милан» фойдасига ишлади. Монтоливонинг зарбаси «Милан» футболчиларининг қўлига тегди. Қайтган тўпни Боатенг дарвозага михлаб қўйди. Кейинчалик «Барселона» ҳужум қилишга уриниб кўрди, лекин мезбонлар ўйин беришмади.

Иккинчи голни ҳам ганалик футболчи киритди. Бу сафар катта саҳнага Мунтари чиқди. Стефан Эль-Шаарави томонидан етказиб берилган тўпни кучли зарба билан дарвоза тўрига жойлади. Хулоса қилиб айтганда бугун «Барселона»га бош бўладиган етишмади. Гвардиоланинг ўрни мана энди БИЛИНДИ! Энди жавоб учрашувида унинг собиқ шогирдларига жуда қийин бўлади.

Милан – Барселона  2:0
Голлар: К. Боатенг (57), Мунтари (81).
Милан: Аббьяти, Абате, Мексес, Сапата, Констан, Монтоливо, Амброзини, Мунтари, К. Боатенг, Паццини (Ньянг, 75), Эль-Шаарави (Б.Траоре, 87).
Барселона: Вальдес, Дани Алвес, Пике, Пуйоль (Маскерано, 88), Альба, Бускетс, Хави, Фабрегас (Санчес, 62), Педро, Месси, Иньеста.