"Манчестер Юнайтед" бош мураббийи Эрик тен Хаг Англия Премьер-лигасининг сўнгги 6 ўйинида гол урган ҳужумчи Расмус Хёйлунднинг ҳозирги формаси ҳақида фикр билдирди.
21 ёшли даниялик чемпионатда аллақачон 7 та голга эга бўлди, гарчи ҳужумчи узоқ вақт давомида Премьер-лигада дебют голини ура олмаётган эди.
“Жамоа ҳар доим Расмусга ишонган. Биз Хёйлунд билан шартнома имзолаганимизда, унинг кучли характерга эга эканлигини билар эдим. У босим остида ўйнашни билади, бу "Манчестер Юнайтед" ҳужумчиси учун жуда муҳим. Расмусга катта ишонч бор”, деди Тен Хаг матбуот анжуманида.
