Хабарингиз бор, ҳар йили мавсум олдидан футбол клубларига “ҳалол ўйин” ва янгиланган футбол қоидаларини тушунтириш борасида семинарлар ташкил этиб келинади.
Бугун, 19-февраль куни янги мавсумга тайёргарлик кўраётган водийнинг 2 клуби — “Қўқон-1912” ҳамда “Андижон” жамоалари учун ҳам мана шундай семинарлар ташкил этилди. Унда жамоаларнинг футболчилари ва мураббийлар штаби иштирок этишди.
Семинарларни тажрибали ҳакамлар назоратчиси Александр Попов олиб борди. У ўз тажрибасидан келиб чиқиб, семинар қатнашчиларига маъруза қилди. Ўз навбатида футболчилар ҳам ўзларини қизиқтирган саволлар билан соҳа мутахассисига саволлар йўллаб, қониқарли жавоб олишга эришди.
