Xabaringiz bor, har yili mavsum oldidan futbol klublariga “halol o‘yin” va yangilangan futbol qoidalarini tushuntirish borasida seminarlar tashkil etib kelinadi.
Bugun, 19-fevral kuni yangi mavsumga tayyorgarlik ko‘rayotgan vodiyning 2 klubi — “Qo‘qon-1912” hamda “Andijon” jamoalari uchun ham mana shunday seminarlar tashkil etildi. Unda jamoalarning futbolchilari va murabbiylar shtabi ishtirok etishdi.
Seminarlarni tajribali hakamlar nazoratchisi Aleksandr Popov olib bordi. U o‘z tajribasidan kelib chiqib, seminar qatnashchilariga ma’ruza qildi. O‘z navbatida futbolchilar ham o‘zlarini qiziqtirgan savollar bilan soha mutaxassisiga savollar yo‘llab, qoniqarli javob olishga erishdi.
