"Аталанта" ярим ҳимоячиси Эдерсон Лоуренсога Англия Премьер-лигаси гигантлари қизиқиш билдирмоқда. 24 ёшли футболчи яқинлашиб келаётган трансфер ойнасида Бергамони тарк этиши мумкин.
Хабарга кўра, "Манчестер Юнайтед" ва "Ливерпуль" бразилиялик футболчини ёзги мақсадлар рўйхатига киритган. "Арсенал", "Тоттенхэм" ва "Ньюкасл" ҳам ярим ҳимоячига кўз тикишмоқда.
Transfermarkt портали экспертлари Эдерсон Лоуренсонинг нархини 27 миллион еврога баҳоламоқда, аммо “Аталанта” ўз юлдузини сотишдан камида 40 миллион евро ишлаб олишни кутмоқда.
