Миланнинг “Интер” клуби ярим ҳимоячиси Генрих Мхитарян “Атлетико”га (1:0) қарши ўйиндаги ғалабадан сўнг интервью берди. “Нерадзуррилар” Чемпионлар лигасининг 1/8 финалидаги уй учрашувида Марко Арнаутовичнинг 79-дақиқада киритган голи эвазига ғалаба қозонишди.

“Ғалаба қозониш ёқимли, лекин битта гол фарқи билан ғалаба қозониш бизга катта устунлик бермайди. Олдинда муҳим жавоб ўйини бор. Мадриддаги ўйинга қарама-қаршиликда ҳисоб ҳали 0:0 бўлаётгандек ёндашишимиз керак. Меҳмонда ғалаба қозониш учун ўйнашимиз керак. Биз ўтган йилги йўлимизни такрорлаб, яна финалда ўйнамоқчимиз”, — деди Мхитарян.