"Реал" клубининг Эдуардо Камавинга ва Даниэль Карвахалнинг карточкалари устидан берган апелляцияси рад этилди.

Эслатиб ўтамиз, ўтган якшанба куни "Райо Вальекано" билан ўйинда (1:1) Карвахаль 2 дақиқа ичида 2 та огоҳлантириш олган ва майдондан четлатилган, шу боис Ла Лиганинг навбатдаги ўйинини ўтказиб юбориши шарт. Камавинга жорий мавсумдаги 5-сариқ карточкасини олди ва кейинги ўйинда ҳам майдонга туша олмайди.

Diario Sport нашри хабарига кўра, Испания Қироллик футбол федерацияси (RFEF) Мусобақа қўмитаси "Реал Мадрид"нинг ҳар икки футболчининг сариқ карточкалари бўйича апелляциясини рад этиб, дисквалификацияни ўз кучида қолдирган.

Шу тариқа, Камавинга ва Карвахаль 25 феврал куни "Севилья"га қарши ўйинни ўтказиб юборади.