"Барселона" ярим ҳимоячиси Илкай Гюндоган жамоадоши Роберт Левандовскини "Наполи" ҳужумчиси Виктор Осимхен билан солиштирди.
Ҳужумчилар Чемпионлар лигаси 1/8 финалининг илк ўйинида (1:1) ўз жамоаларининг голларига муаллифлик қилишди.
Левандовски 60-дақиқада, Осимхен 75-дақиқада гол уришди.
"Гап гол уришни биладиган иккита ажойиб ҳужумчи ҳақида кетмоқда. Роберт бизнинг тактик таркибимизга мос тушади ва гол уриш имкониятларини қандай ҳис қилишни билади.
Осимхен ҳимоячилардан қочиб қутулишда ажойиб иш қилади. Иккаласи ҳам яхши ўйинчилар", - деди Гюндоган ўйиндан кейин берган интервьюсида.
