Каталониянинг “Барселона” клуби ҳужумчиси Роберт Левандовски Чемпионлар лигасининг 1/8 финалида “Наполи” билан биринчи ўйиндан сўнг “Барса” футболчиларининг ёш авлодини мақтади.

“Жамоада ёшлар кўп. Уларга Европа мусобақаларида ўз аҳамиятини ошириш учун вақт керак. Ҳозирги "Барселона" улкан салоҳиятга эга.

Энди жавоб учрашувига тайёргарлик кўриш учун икки ҳафта вақтимиз бор.

Тажрибам туфайли мен ёш шерикларимга ёрдам беришга ҳаракат қиламан. Мен Педрини эслатиб ўтмоқчиман.

Ишончим комилки, у келажакда бундан ҳам яхшироқ ўйнайди", - дея польякнинг сўзларидан иқтибос келтиради Marca нашри.