"Барселона"нинг собиқ футболчиси Жерар Деулофеу тиззасидаги жароҳатидан тикланиши ҳақида гапирди. Испаниялик футболчи 2023 йилнинг январида касалхонага ётқизилган эди.
"Жароҳатим туфайли бир йилдан ортиқ вақт давомида майдонга чиқиб, ўзим ёқтирган иш билан шуғуллана олмаяпман. Сиз нималарни бошдан кечирганимни билмайсиз. Мен энди умуман футбол ўйнай олмаслигим эҳтимоли бор", - дея 29 ёшли вингернинг сўзларини келтиради EuroFoot.
Эслатиб ўтамиз, Жерар 2020 йилдан бери Италиянинг “Удинезе” клуби футболчиси ҳисобланади. Клуб ва футболчи ўртасидаги меҳнат шартномаси жорий мавсум охирида тугайди.
