Германия терма жамоаси бош мураббийи Юлиан Нагельсманн "Реал" ярим ҳимоячиси Тони Крооснинг терма жамоага қайтиш қарорига изоҳ берди.
"Тони бизнинг жамоага жуда мос тушади. У ўрта чизиқда бўғинга айланади. Унинг тажрибаси жуда фойдали бўлади. Биз у билан кўп марта гаплашдик. Ҳар бир суҳбатда мен унинг Европа чемпионатида ўйнашни хоҳлаётганини тобора кўпроқ ҳис қилардим", - дейди Германия бош мураббийи.
Эслатиб ўтамиз, Кроос 2021 йилда Германия терма жамоасини тарк этган эди. Умуман олганда, ярим ҳимоячи "Бундестим" таркибида 106 та ўйин ўтказиб, 17 та гол урган.
