"Реал Мадрид"нинг ҳужумкор ярим ҳимоячиси Жуд Беллингем 2 март куни бўлиб ўтадиган "Валенсия"га қарши Ла Лиганинг 27-тур учрашувида майдонга тушиши мумкин. Бу ҳақда AS хабар бермоқда.
Беллингем 10 февраль куни бўлиб ўтган Испания чемпионати доирасидаги "Жирона"га (4:0) қарши ўйинда жароҳат олганди. Дастлаб Мадрид клуби 20 ёшли футболчининг 6 март куни бўлиб ўтадиган "Лейпциг" билан Чемпионлар лигаси 1/8 финали жавоб ўйинида тикланишига умид қилганди. Аммо ҳозир англиялик футболчининг реабилитацияси кутилганидан ҳам яхши кетмоқда. У "Валенсия"га қарши ўйинда пойтахт клубига қайтиши эҳтимоли бор.
