"Реал Мадрид" марказий ҳимоячиси Эдер Милитао жамоа машғулотларини бошлашга тайёр. Relevo нашри хабарига кўра, бразилияликнинг атрофидагилар футболчининг аҳволи яхши эканини аниқ айтишган.

"Қироллик клуби" кейинги босқич йўлланмасини қўлга киритса, Милитаонинг Чемпионлар лигасининг чорак финалида майдонга тушиши эҳтимоли бор.

Эслатиб ўтамиз, Милитао ёзда тиззасининг хочли бўғимларидан жароҳат олган ва операция қилинган эди. Шу боисдан ҳам Эдер Испания чемпионатида ҳозирча фақат битта ўйин ўтказа олди.