Янги мавсум стартига оз вақт қолди. Ортда қолган 1 йил таҳлил қилинса, ҳакамларимиз бир қатор халқаро мусобақаларда фаол иштирок этишгани кўринади.

Жумладан, Рустам Лутфуллин У-17 Осиё кубогида, Аҳрол Рисқуллаев У-20 Осиё кубогида, Илгиз Танташев эса ўз жамоаси билан қитъамизнинг энг нуфузли мусобақаси — Осиё Кубогида ишлади. Видео ассистентларимиз ҳам йил давомида кўплаб халқаро учрашувларга жалб этилди. Бундан ташқари, ҳакамларимиз 2023-24 йилги Осиё Чемпионлар лигаси мавсумининг гуруҳ босқичи ҳар бир турида муносиб иштирок этишди.

Айни пайтда халқаро майдондан энг кўп чақирув олган рефери Танташев бўлди. 39 ёшли арбитрга йил давомида 13 та учрашув ишониб топширилди. Аёллар футболида эса Эдита Миробидова билан Розиябону Юсупова сингари ҳакамларимиз ўзини кўрсатди. Қуйида 2023 йил халқаро учрашувларда энг кўп ўйинларда ишлаган 10 ҳакамимиз номи келтирилган:

— Илгиз Танташев: 13 ўйин бош ҳакам;
— Аҳрол Рисқуллаев: 12 ўйин бош ҳакам;
— Рустам Лутфуллин: 4 ўйинда бош, 10 тасида захира ҳаками;
— Фирдавс Норсафаров: 3 та ўйинда бош, 7 тасида ВАР/АВАР ҳаками;
— Азиз Асимов: 5 учрашувда ВАР/АВАР ҳаками;
— Раҳимбек Каримов: 4 ўйинда ВАР/АВАР ҳаками;
— Абдурашид Худойберганов: 4 ўйинда ВАР/АВАР ҳаками;
— Найим Қосимов: 7 учрашув, пляж футболи;
— Эдита Миробидова: 3 та ўйинда бош ҳакам;
— Розиябону Юсупова: 3 ўйин, бош ҳакам.