24 февраль, шанба куни Испания Примерасининг 26-тур учрашуви бўлиб ўтди ва унда “Алмерия” ва “Атлетико Мадрид” клублари тўқнаш келишди. Ўйин дуранг билан якунланди - 2:2.

Учрашувдаги ҳисоб ўйиннинг иккинчи дақиқасидаёқ очилди. “Атлетико” ҳужумчиси Анхель Корреа гол урди. Мезбонлар 28-дақиқада жавоб голини киритишди. Голга Миландан ижарага олинган 19 ёшли Лука Ромеро муаллифлик қилди. 57-дақиқада ярим ҳимоячи Родриго Де Пауль яна “матрасчилар”ни олдинга олиб чиқди. 64-дақиқада “Алмерия” ярим ҳимоячиси Ромеро дубл қайд этиб, ҳисобни тенглаштирди.

Ушбу ўйиндан кейин "Атлетико" 52 очко жамғарди. Диего Симеоне шогирдлари чемпионат жадвалида тўртинчи ўринда бормоқда. "Алмерия" тўққизинчи очкони қўлга киритди, аммо барибир охирги ўринда қолмоқда.