"Челси" вингери Михаил Мудрик бугун Лондонда "Уэмбли"да бўлиб ўтадиган "Ливерпуль" билан Лига кубоги финалини интиқлик билан кутмоқда.
Украиналик ўзининг илк кубогини "кўклар" либосида олиш имкониятига эга бўлади.
“Финални интиқлик билан кутяпман, айниқса шундай катта жамоага қарши. "Ливерпуль" каби. Бу қизиқарли ўйин бўлади.
Мен илгари “Уэмбли”да ўйнаганман. Бу 80 мингга яқин томошабинга мўлжалланган ажойиб стадион. Атмосфера тўлиқ ҳис қилинади, шунинг учун бу финал учун ажойиб стадион", - дея Мудрикнинг сўзларини келтиради "Челси" расмий сайти.
