24 февраль куни АПЛнинг 26-турида "Манчестер Юнайтед" 2003 йилдан бери илк бор "Олд Траффорд"да "Фулхэм"га (1:2) мағлуб бўлди.
Лондонликлар фурсатдан унумли фойдаланиб, ижтимоий тармоқларда "манкунианликлар" клубини масхара қилишди. Клубнинг ижтимоий тармоқлардаги саҳифасида шундай ёзилди: "Ҳаммага, айниқса, кеча 97-дақиқада "Манчестер Юнайтед" дарвозасига ғалаба тўпини киритганларга хайрли кун".
Аввалроқ, "қизил иблислар" 2003 йилда ўз уйида "Фулхэм"га мағлуб бўлганди. Ўшанда учрашув 25 октябрь куни бўлиб ўтганди ва 1:3 ҳисобида мағлубият билан якунланди.
3 март куни "Манчестер Юнайтед" "Манчестер Сити"га қарши баҳс олиб боради. Ўйин Англия чемпионатининг 27-тури доирасида бўлиб ўтади.
