"Челси" бош мураббийи Маурисио Почеттинонинг фикрича, "Ливерпуль" унинг жамоаси учун ўрнак бўлиши керак.
Эслатиб ўтамиз, мерсисайдликлар кеча Лига кубоги финалида "кўклар"ни 1:0 ҳисобида мағлуб этганди.
"Ливерпуль" биз учун намуна бўлиши керак. Юрген Клоппнинг дастлабки уч-тўрт йилида жамоа иккита Европа мусобақаси финалида мағлуб бўлди, аммо лойиҳага ишонч сақланиб қолди.
Улар кучлироқ бўлиб қайтишди ва хоҳлаган нарсаларига эришгунча ҳаракат қилаверишди. “Ливерпуль” даражасидаги жамоага айланишни истасак, бу яхши намуна", - деди Почеттино матбуот анжуманида.
