Испания Ла Лигаси расман Эрнесто Вальвердени чемпионатда февраль ойининг энг яхши мураббийи деб тан олди.
У “Атлетик Бильбао”га мураббийлик қилади.
Баск клуби айни дамда 49 очко билан чемпионатнинг кучли бешлигидан жой олган. Чемпионлар лигаси зонасидан фарқ бор йўғи уч очко.
Ўтган февраль ойида "Атлетик" учта ғалабага эришди, улардан иккитаси "Атлетико Мадрид" (1:0) ва "Жирона" (3:2) устидан қозонилган.
Шунингдек, жамоа “Альмерия” билан ҳам голсиз дуранг ўйнади ва ўтган ҳафта охирида “Бетис”га ютқазди (1:3).
