Мюнхеннинг "Бавария" клуби "Фулхэм" ярим ҳимоячиси Жоау Палиньяга қизиқиш билдирмоқда. Маълумотларга кўра, "Арсенал" ва "Ливерпуль" каби клублар "қизил машина" билан рақобатлашишга тайёр.
28 ёшли Палинья ўтган ёздан бери "Бавария"нинг қисқа рўйхатида. Август ойида трансфер ойнаси тугагач, Жоау Мюнхендаги машғулот базасига келиб, "Бавария" билан шартнома имзолади, бироқ сўнгги дақиқада келишув барбод бўлган эди.
Палинья Англия Премьер-лигасининг ушбу мавсумида учта гол урди ва битта голли узатмани амалга оширди. Лиссабоннинг "Спортинг" клуби собиқ футболчиси Англия чемпионатидаги иккинчи мавсумини ўтказмоқда.
