Кристофер Нкунку жароҳати туфайли бир муддат майдонга туша олмади.
"Челси" расмий сайти ярим ҳимоячи Кристофер Нкунку жароҳат олгани ҳақида хабар берди.
"Лидс" билан ўйин олдидан ўтказилган матбуот анжуманида "кўклар" бош мураббийи Маурисио Почеттино ярим ҳимоячи қачон жароҳат олганини билмаслигини айтди. Мураббий футболчи уч-тўрт ҳафтани ўтказиб юборишини қайд этди.
"Кеча биз Нкунку жароҳатланганини билдик, аммо бу қачон содир бўлганини билмаймиз.
Биз унинг аҳволини ҳар куни баҳолаймиз, аммо у уч-тўрт ҳафтани ўтказиб юборади. Умид қиламизки, бундан ортиқ эмас", - деди Почеттино.
Франциялик футболчи якшанба куни бўлиб ўтган Лига кубоги финалида "Ливерпул"га 0:1 ҳисобида мағлуб бўлганида майдонга тушиб, асосий ва қўшимча бўлимларда 23 дақиқа ўйнади.
