"Бавария" янги бош мураббий топиш устида ишламоқда.
Ўтган ҳафтада Томас Тухель жорий мавсум якунида мураббийлик лавозимини тарк этишини эълон қилган эди.
Sky журналисти Флориан Плеттенбергнинг ижтимоий тармоқларда хабар беришича, "Байер" мураббийи Хаби Алонсо "Бавария" учун афзал кўрилган номзод бўлиб қолмоқда.
Шу билан бирга, "Бавария" агар Алонсони қўлга кирита олмаса, "Б" ва "C" режалари ҳақида ўйламоқда.
Манбага кўра, мюнхенликлар "Брайтон" устози Роберто де Зербига мурожаат қилишлари мумкин. Қайд этилишича, "Бавария" бошқарув кенгаши аъзоси Макс Эберль италиялик мутахассис ҳақида ижобий фикрда.
