Матис Тель ушбу мавсумдан кейин ҳам "Бавария"да қолади.

18 ёшли форварднинг "Бавария"даги келажаги янги мураббийга боғлиқ экани аввалроқ хабар қилинганди - франциялик футболчига ўйин вақти кафолати керак. Агар Томас Тухель қолганида футболчи кетган бўларди.

Инсайдер Фабрицио Романонинг сўзларига кўра, Матиснинг агенти Гадири Камара душанба куни Мюнхен спорт директори Кристоф Фройнд билан учрашган.

Учрашув ижобий ўтди, "Бавария" Телни сақлаб қолиш ва уни келажакдаги лойиҳага қўшиш истагини эълон қилди. Футболчининг ўзи ҳам қолишни истайди ва клуб афсонаси бўлишни орзу қилади.

Жорий мавсумда Тель 29 учрашувда 761 дақиқани майдонда ўтказиб , 6 та гол урди ва 4 та голли узатмани амалга оширди.