Мадриднинг “Реал” клуби ярим ҳимоячиси Браим Диас тез орада Марокаш терма жамоасида дебют қилиши мумкин.

24 ёшли футболчи Испания терма жамоаси сафида ўртоқлик учрашувида бор-йўғи бир марта майдонга тушган, шу боис у спорт фуқаролигини ўзгартириши мумкин.

Журналист Таҳа Иманининг хабар беришича, Диас Марокаш терма жамоаси фойдасига якуний танлов қилишга яқин турибди.

"Лос-Бланкос" ярим ҳимоячиси март ойидаги йиғинда Марокашга таклиф қилиниши мумкин. Бир неча ҳафта олдин Испания терма жамоаси бош мураббийи Луис де ла Фуэнте Диасни "қизил фуриялар"нинг март ойидаги ўйинларига чақиришни режалаштираётгани хабар қилинганди.