Ла лига президенти Хавьер Тебас "ПСЖ" ҳужумчиси Килиан Мбаппенинг "Реал"га ўтиши ҳақидаги миш-мишларга изоҳ берди.
"Улар Мбаппега қанча маош беришларини билмайман, лекин "Реал"нинг трансфер сиёсатини билган ҳолда, унинг маоши билан боғлиқ муаммолар бўлмайди, деб айтишим мумкин. "Реал" Мбаппени сотиб олиши мумкин", - деди лига раҳбари.
15 февраль куни инсайдер Фабрицио Романо Мбаппе "ПСЖ" раҳбариятига 2023/24 йилги мавсум охирида кетишини маълум қилгани ҳақида хабар берди. Унинг клуб билан шартномаси ёзда якунига етади. Кейинроқ кўплаб ОАВлар 25 ёшли франциялик футболчи "Реал"га ўтишга рози бўлгани ҳақида хабар тарқатди.
Жорий мавсумда 25 ёшли франциялик футболчи 32 та ўйинда майдонга тушиб, 32 та гол урди ва 7 та голга ассистентлик қилди. Transfermarkt портали футболчининг нархини 180 миллион еврога баҳолаган.
