Москванинг "Спартак" клуби ҳужумчиси Квинси Промес БААдаги қишки йиғин вақтида аварияга учради ва воқеа жойидан қочиб кетди. Айнан шу боис уни Россияга учадиган самолёт бортига қўймай, ҳуқуқ-тартибот идоралари ходимлари томонидан ҳибсга олинди, деб ёзади журналист россиялик Иван Карпов ўзининг "Телеграм" каналида.

Манбага кўра, Промеснинг БААда ҳибсга олиниши дастлаб унинг Нидерландиядаги жиноий ишлари билан боғлиқ эмас эди. Квинси ҳибсга олинганида ва бу маълумот тарқалгач, Нидерландия прокуратураси БААдан Промесни экстрадиция қилишни сўради.

Қайд этилишича, Промес авария билан боғлиқ муаммо ҳозирда фаол ҳал қилинмоқда.