"Тоттенхэм"нинг "Челси"га қарши ўйини "аристократлар"нинг Лига кубоги финалидаги ўйини туфайли қолдирилди.
“Шпорлар” бош мураббийи Анже Постекоглу юзага келган танаффус ҳақида фикр билдирди.
"Бу идеал эмас. Биз учун мавсум бироз чалкаш кечмоқда. Кўп паузалар ва қайта бошлашлар бўлди. Энди олдинда бир нечта ўйинлар, кейин эса терма жамоалар ўйинлари учун яна бир танаффус бор.
Ҳеч бўлмаганда бундан кейин бизда мунтазам ўйинлар бўлади. "Кристал Пэлас"га қарши ўйинми? Мураббийи яқинда алмаштирилган жамоаларга қарши ўйинларга тайёргарлик кўриш ҳар доим қийин кечади.
Янги мураббий билан ҳамма нарса табиий равишда ўзгаради. Одатда бунинг ижобий таъсирини кўришингиз мумкин.
Аммо мен ҳали ҳам ривожланишимизнинг яхши босқичидамиз деб ўйлайман. Биз рақибга эмас, ўз ўйинимизга эътибор қаратамиз", — деди Постекоглу.
