"Барселона" бош мураббийи Хави Эрнандес январь ойида жамоага келиб қўшилган ҳужумчи Витор Рокенинг аҳволи ҳақида гапирди. Шу кунгача 19 ёшли бразилиялик футболчи Испания чемпионатида 7та ўйин ўтказишга муваффақ бўлди ва у ўз ҳисобига иккита гол ва битта қизил карточка ёздириб қўйди.
"Роке эндигина жароҳатдан қайтди, унга мослашиш, тезликни ошириш ҳамда тизимимизга кўникиш учун вақт керак. Ҳужумчи сифатида бизда Роберт Левандовски бор, шунинг учун Витор қанотда ўйнашга кўникмоқда. Роке бизга кўп нарса бера олади ва у нималарга қодирлигини аллақачон кўрсатиб бўлди", - деди Хави матбуот анжуманида.
