"Астон Вилла" бош мураббийи Унаи Эмери жамоа муваффақиятида Олли Уоткинснинг ҳиссасини юқори баҳолади.

28 ёшли форварднинг дубли “вилаликлар”га “Лутон Таун” устидан меҳмонда ғалаба қозонишга ёрдам берди (3:2).

Англиялик футболчи Муҳаммад Салоҳни ортда қолдирди ва 16 та гол билан Премьер-лига тўпурарлари рўйхатида иккинчи ўринга кўтарилди.

"Уоткинс бошқа футболчилар учун намунадир. У ақл бовар қилмас менталитетга эга, у доимо машқ қилади, яхшироқ бўлишга интилади.

У гол уради, ассистентлик қилади ва белгиланган пайтда ҳимояга ёрдам беради.

Фантастик футболчи. Уоткинс Европанинг энг яхши ҳужумчиларидан бирими? Ҳа, албатта, у ўзини зўр кўрсатади.

Премьер-лига дунёдаги энг қийин лигадир. Аммо Олли камтарин одам, у ўз эгосига ўзи устидан ғалаба қозонишга йўл қўймайди", - деди Эмери ўйиндан кейинги интервьюсида.