"Ливерпуль" чап қанот ҳимоячиси Энди Робертсон билан янги шартнома борасида музокара ўтказмоқчи.
Робертсон 2017 йилда "Халл Сити"дан 8 миллион фунт стерлингга ўтганидан бери "Ливерпул"да ўйнамоқда. Энди ўшандан бери "қизиллар" билан барча йирик совринларни қўлга киритди.
Робертсоннинг амалдаги шартномаси 2021 йилда имзоланган ва 2026 йилнинг ёзига қадар амал қилади, аммо Энди билан хайрлашиш "Ливерпуль" раҳбарларининг режаларига умуман киритилмаган.
Football Insider нашри хабарига кўра, "Ливерпуль" спорт директори ва янги бош мураббий тайинланиши биланоқ 29 ёшли шотландиялик футболчини музокаралар столига таклиф қилади.
"Ливерпуль" "Бавария" Робертсонга қизиқиш билдираётганидан хавотирда эмас, улар Эндини "Реал Мадрид"га ўтаётган Альфонсо Дэвис ўрнига ўринбосар сифатида кўрмоқда.
Робертсон ҳозирда "Ливерпуль" сафида барча мусобақаларда 282 та ўйин ўтказиб, 9 та гол урган ва 64 та голли узатмани амалга оширган.
