Суперлига 1-туридан ўрин олган "Локомотив" – "Металлург" (2:2) учрашувидан сўнг меҳмонлар бош мураббийи Веско Стешевич матбуот анжуманида иштирок этди.

"Афсуски, ғалабани сақлаб қола олмадик. Бунда мажбурий ўзгаришлар ҳам ўз таъсирини ўтказди. Чемпионатни бир очко билан бошладик. Менимча, ёмон ҳаракат қилмадик.

Мезбонлар ҳам иккита, биз ҳам иккта тўп киритдик. Шундай экан, натижа адолатли. Аммо, ўйин жиҳатдан рақибдан устунроқ ҳаракат қилдик.

Ўринбоев тезроқ сафга қайтишини жуда ҳам истаймиз. Бироқ, аввал тикланиши лозим. Ишонаманки, ой сўнггида таркибга қайтади. У фақат футболчи сифатида эмас, сардор сифатида ҳам бизга жуда ҳам зарур.

Сўнгги 10 дақиқаликда нега сусткашликка йўл қўйганимиз менга ҳам қизиқ. Буни футболчилардан албатта сўрайман.

Жоржевич бундан яхши ҳаракат қилиши мумкин эди. Аммо, бу унинг дебют баҳси. Биз унинг баланд бўйидан стандарт вазиятларда фойдаланишни мақсад қилганмиз.

Асосий мақсадимиз мавсумни ўтган йилгидан яхши ўтказиш. Бироқ юқорида таъкидлаганимдек, таркибимизда кўплаб йўқотишлар мавжуд", деди Стешевич.