2 март куни Фарғонада “Нефтчи” клубига қарши мавсумдаги дастлабки ўйинини ўтказадиган Самарқанднинг “Динамо” клуби кеча эрта тонг билан Фарғонага йўл олди.
Ўринбосарлар ва асосий таркиб биргаликда Фарғонага етиб борди. Бугун 14:00 да ўринбосарлар ўйини бўлиб ўтса, 2 март куни асосий таркиблар ўйинни 15:00 да бошлашади.
Кеча “Динамо” клуби асосий таркиби ҳақида маълумот бериб ўтган эдик. Хабарларга кўра эртанги учрашувда “Динамо” клубининг янги легионер ҳужумчиси Сардарали Атаев майнонга туша олмаслиги мумкин. Бунга сабаб сифатида футболчининг баъзи сабаблар билан ўз юртига кетганини келтириш мумкин.
Ундан ташқари “Динамо” клубининг ёш ярим ҳимоячиси Ислом Ҳамидов ҳам “Динамо”га ёрдам бера олмайди. Ислом ўтган мавсумда олган карточкалари сабаб кейинги учрашувни ўтказиб юбориши ойдинлашган.
2 март куни бўладиган ўйинга Самарқанддан 50 нафар зиёд мухлислар водий стадионига ташриф буюради. Муҳлислар жамоаси бугун Фарғона томонга қараб йўлга чиқишади.